2005-12-12

Өөртөө хэлэх хэдэн үг

Цаг хугацаа бүхнийг өөрчлөх чадалтай ажээ. Өөрийгөө сүүлийн хэдэн жилд ямар их өөрчлөгдсөнөө гайхаад барахгүй юм. Дунд сургуулийн сурагч байхдаа хичээлээ огт тасалдаггүй, "тоо бодохоор толгой сэргэдэг" хүүхэд байлаа. Монголд оюутан байхдаа Япон руу л явахаар болчихвол бүх юм болно, бүтнэ гэсэн шиг хичээлээ огт хийлгүй, 3 жилийг дэмий шахуу өнгөрөөжээ. Энэ хооронд миний өнөөх хичээл номонд дуртай зан чанар алга болсон мэт...
Санаа зовоох асуудал их гарч ирээд, ирээдүйн тухай, хувийн амьдралынхаа тухай хэтэрхий их бодоод байгаа юм болов уу, эсвэл сонирхол татах өөр юм (компьютер л гэж таамаглахаас) гарч ирснээс болоод хичээлдээ анхаарлаа хандуулж чадахаа больчихсон юм болов уу? Сүүлийн хэдэн сар оюутан хүнийхээ үүргийг бараг биелүүлсэнгүй, хичээлээ хичнээн ч удаа таслав, хичээлийг чухалд тооцохоо ч больж. Өнөөдөр математикийн нэг хичээлийн рефератаа хийхээр суусан боловч "тоо бодохоор толгой сэргэх" биш, харин ч нойр хүрдэг болсноо ажаад өөртөө ямар их уур хүрэв ээ.
Энэ янзаараа байвал сурлага маань муудах шинжтэй дэг ээ. Хэцүү гэдгийг нь мэдэж байгаа ч, бага дээр нь өөрийгөө засч авах хэрэгтэй...
4-хөн өдөр хичээлдээ яваад амралт эхлэх гэж байна, тэр болтол 3 реферат, даалгавар өгөх ёстой болохоор хүчилж байгаад хийхээс өөр арга алга. Харин...

2006 оны хичээл эхлэх хүртэл өөрийгөө хичээлд дуртай болгож өөрчлөх хэрэгтэй шүү. Тэгээд номын санд сайн сууж байхаар шийдлээ.

6 comments:

Anonymous said...

хувийн зохион байгуулалт, тэвчээр, байнгын тогтвортой ажиллах чадвар маш чухал байдаг.

Агьнууд Х.Зоригт said...

Миний блогоор орж уншин, сэтгэгдлээ үлдээсэнд тань баярлалаа. Үнэхээр дээрх чанарууд чухал шүү. Би хичээх болно оо.

Tsasan said...

一緒に頑張ろう。

TAXNA said...

Хамгийн гол нь эрт унтаж сурах ;)

Etna said...

Medleg erh medeltei bolgodog bol Amjilt sexy haragduulnaa gej...:p

Chamd chin setgeleesee Amjilt husye!

Anonymous said...

Odiid amjillttai sain suraltsaj biaga biz dee. oorigoo zov Track zamda oruulj chadsan gej bodoj baina. Tootoi heden oyutnuud gadaad suraltsahaar yavahad erh choloog medersen ayatai, huviin zohion baiguulalt muutaigaas bolood uruudah tiishe handah handlagatai uye olonhid mani tohiollddog yum shigee. gehde ene buhen huvi hunii personality-s ih shaltgaalna. tiinhu hoich uye bolson duu narta l zahij uldeeh surgaaliin too ni negeer nemegdeh yum. Zorigoo- gin huvid ugiin sain surlagatai, toog nachignatal boddog huu biasan uchir ergeed amrhan serged avsan baih gej bodoj biana.
Dor ni burnee hicheetsgeye naizuda.