2007-02-02

Турахын дон шүглэсэн нийгэм

Энэ долоо хоногт манай удирдагч багшийн дааж төгсгөж буй 4-р курсийн оюутнууд маань дипломын ажлын илтгэлээ тавьсан юм. Манай семинар хэрэглэгчийн зан төлөвийг судалдаг тул оюутнуудын судалгааны ажил ямар нэг сэдэвт баригддаггүй. Энэ жил төгсч буй сэмпай нар маань Flow буюу урсалтын онолын үүднээс интернэт хэрэглэгчдийн зан төлөвийг тайлбарлах нь, дэлгүүрийн борлуулалтыг сайжруулахын тулд ямар арга хэмжээ авбал зохих, хотын өнгө үзэмжийг сайжруулахад яах хэрэгтэй вэ, Тоокёо Диснейлэндийн амжилтын нууц, LOHAS яагаад дэлгэрсэн гэх мэт олон янзын сэдвээр дипломын ажлаа бичсэн юм байна. Тэднээс хамгийн их сонирхлыг минь татсан нь "Турахын дон шүглэсэн нийгэм" хэмээх гарчиг бүхий илтгэл байлаа.

Эмэгтэй хүний гоо сайхныг харуулсан эртний сонгодог уран зургуудад махлаг эмэгтэй хүнийг дүрсэлсэн байдаг. Гэтэл өнөөгийн нийгэмд хүүхнүүд эрүүл мэндэд нь муугаар нөлөөлөхийг мэдсээр байж яагаад турахын тулд янз бүрийн арга хэрэглэх болов гэдгийг судалж, олон сонирхолтой дүгнэлт хийжээ. Ойрын хэдэн жилд жингээ хэт хассанаас 3 ч сайхан загвар өмсөгч охин нас барсан нь загварын шоунаас хэт туранхай загвар өмсөгчдийг хасч эхэлсэн билээ.

Анагаах ухааны ойлголтоор бол BRI (Body Mass Index) буюу биеийн өөхлөгийн үзүүлэлт 24,5-аас их бол тарган, 18-аас бага бол туранхай гэж үздэг. Гэтэл 18-аас бага BMI-тэй эмэгтэйчүүдийн 40 гаруй хувь нь, 18-24.5 BMI-тэй буюу хэвийн жинтэй эмэгтэйчүүдийн 80 гаруй хувь нь өөрийгөө тарган, илүү махтай гэж боддог аж (Тоог нь андуу тэмдэглэж авсан байж магадгүй гэдгийг болгооно уу).

Статистик үзүүлэлтээс харахад диет (жингээ хасах) хэмээх үзэгдэл өргөн дэлгэр болохоос өмнө, 50 жилийн өмнө аль ч насны эмэгтэйчүүдийн дундаж BRI ойролцоогоор 21 байсан юм байна. Эмэгтэйчүүдийн дунд диет дэлгэрснээс хойш залуу бүсгүйчүүдийн дундаж BRI жилээс жилд буурсаар одоо 18,5 орчим болоод байгаа бол эсрэгээрээ ахимаг эмэгтэйчүүдийнх өссөөр 23-д дөхөн очжээ. Юу хэлэх гэж байна вэ гэхээр, залуу насандаа диет хийж, хэт турвал нас ахихдаа таргалах магадлал нь нэмэгдэж байх шиг.

Гэх мэт олон тоо баримтыг дурьдсаны эцэст "Туранхай гэдэг ойлголт нь өөрөө тодорхой бус байдаг нь нийгэмд турахын дон шүглэх үндэс болжээ" хэмээн дүгнэсэн байна.

Үүнийг уншсан охид бүсгүйчүүл минь дотроо нэгийг тунгаана буй заа.

4 comments:

Anonymous said...

sonirholtoi diplomiin ajil yum tee. neeree turanhai gedeg oilgolt maani todorhoi bish yum shig.
tegeed l bugd zagvar umsugchid shig turanhai bolhiig husdeg yum bolvuu hehe.
odnoo

Anonymous said...

Niigmiin neg gaj uzegdel bolood bgaa ene asuudal uneheer hetsuu sangddag. Uuniig uusgej bgaa gol shaltgaan bol TV-iin zar surtalchilgaa munuus mun. Getel surtalchilgaand togloj bui terkhuu goy saikhan emegteig bii bolgoh gej 1000 1000-n mergejiltnuud ajilladag shuu dee. Uuruur helbel zohiomol gua huuhniig hunii oyun ukhaand shingeegeed bna aa l geh gesiin.

Uunii esergeer eregtei huniig ch mun adil bulchin shurmestei jentelman zaluugaar surtalchilaad baidag. zaluuchuud maani ch iim eregtei boloh gej bagagui body ene tereer hicheelledeg bh.

Zar surtalchilgaanii hor urshigaa gej....

Growth & Development said...

Mongold arai oor baidag bololtoi, Japanaas "Body Composition Monitor" gedeg bagaj avchraad ajilladag gazartaa shahav aa, huuhnuud maani sonirhood test hiigeed l baina, haramsaltai ni Mongol huuhnuud biyeiin ooh, jin ihtei baigaadaa sanaa zovj bui youm alga aa, harin hogshirch baigaadaa l ih sanaa zovj baih youm. Hachin youm aa.

Anonymous said...

хотын өнгө үзэмжийг сайжруулахад яах хэрэгтэй вэ? gedeg ajliin talaar delgerengui tavij uguuch.Bayarlalaa. Ulaanbaatar hot negen tzat aziin tzagaan dagina baisan harin odoo saaral hot boljee.