Өнөөдөр Японд Тоокёо Мицүбиши Групп болон UFJ Holdings энэ оны 10-р сарын 1-нд нэгдэхээр болсон тухайгаа албан ёсоор зарлалаа. Ингэснээр 1900 орчим тэрбум долларын хөрөнгө бүхий дэлхийд хамгийн том банк санхүүгийн байгууллага бий болж байгаа юм. Тус компаниудад ажилладаг 45700 ажилтны тоог 2008 он хүртэл 6000-аар хорогдуулахаар төлөвлөжээ.
Энэ өдөр түүхэнд. 1930 оны энэ өдөр Нарны аймгийн 9 дэх гариг болох Дэлхийн ван буюу Плутоныг нээжээ.
Өнөөдрийн сэдэв
Хүлэмжийн хийн ялгаралыг бууруулах Кёотогийн протокол өчигдрөөс эхлэн хүчин төгөлдөр болсон билээ. Хүлэмжийн хий нь эх дэлхийн маань дулаарлын гол шалтгаан болж, озоны давхаргыг устган байгалийн гамшгийн хэмжээнд хүрээд байгаа билээ. Дэлхийн хүлэмжийн хийн дөрөвний нэгийг гаргадаг АНУ эдийн засагт муугаар нөлөөлнө гэсэн шалтгаанаар энэхүү протоколоос гарсан ч ийнхүү уг протокол хүчин төгөлдөр боллоо. Монгол улсын хувьд хөгжиж буй орон учраас уг протокол олон талын дэмжлэг туслалцаа хүртэх боломж бий болж байгаа юм. Харин хөгжиж буй орон гэсэн тодорхойлолтоос салах дургүй өмнөд хөршийнхөн, мөн Энэтхэг улсууд аль хэдийн хүлэмжийн хий гаргалтаар дэлхийд тэргүүлэх хэмжээнд хүрсэн ч энэхүү протокол ёсоор хүлэмжийн хийгээ бууруулах үүрэг хүлээгээгүйгээр үл барам Хятадын тал хүлэмжийн хийг бууруулах нь хөгжингүй орнуудын үүрэг хэмээн мэдэгдсэн нь АНУ-тай барьцсан хэрэг болов. Японы хувьд уг протоколыг санаачлагч орны хувьд өөртөө маш хүнд үүрэг хүлээн авсан юм. Яг өнөөдөр уг үүргээ биелүүлэхийн тулд Япон орон 60 өдөр гэрэл цахилгаангүй, хүлэмжийн хий ялгаруулах зүйл огт хэрэглэхгүй амьдрах хэрэгтэй болно. 2012 он хүртэл зай байгаа ч ийм хэмжээгээр хүлэмжийн хийн ялгаралыг бууруулах нь маш хэцүү гэдэг нь ойлгомжтой байх. Протоколд нэгдсэн орнууд үүргээ биелүүлсэн ч дэлхийгээ хөргөж чадах болов уу? Эн тэргүүнд протоколд нэгдээгүй орнуудыг хамруулахгүйгээр үр дүнд хүрэх нь эргэлзээтэй. Их үйлсийн төлөө бүх нийтээр тэмцэх хэрэгтэйг АНУ ойлгож л байх ёстой доо.
4 comments:
hulemjiin dulaan gedeg chini yu bilee? er ni bol yu heleh geed bgaag oilgoj bna l daa. hulemjiin dulaan geheer neg l buruu utgatai bolood bgaa yum shigee. Zugeer delhiin dulaaralt ene ug zugeer bishu? yutai ch hun unshaad sonirhohoor bichleguud bichej bgaad chini bayarlaj bna. tsaashid ch gesen urgeljluuleerei.unshaad comment bichej baih bolnoo. yoroshiku!!!!
Хүлэмжийн дулаан биш, хүлэмжийн хий гэдэг үг хэрэглэсэн байгаа юмсан. Дэлхийн дулааралтад нөлөөлдөг хий, бодисуудыг ингэж нэрлэж байгаа юм л даа.
aa teguul bichehdee anduurchij gejdee hulemjiin hii ?? hehe ore konservativ kana??
Post a Comment